عندما يرتاح القلم
حين يضع الكاتب قلمه جانبًا، يصنع ألعابًا بروح إماراتية. العبها من المتصفح مباشرة، أو ثبّتها على جوالك كتطبيق.
حين يضع الكاتب قلمه جانبًا، يصنع ألعابًا بروح إماراتية. العبها من المتصفح مباشرة، أو ثبّتها على جوالك كتطبيق.
أوامي يركض فوق سطوح الفريج، والمس الشاشة عشان ينط من بيت لبيت ويجمع السمك. ثماني مراحل من الصبح لين المغرب: الفريج، والسوق، والبراجيل، والنخيل، والجامع، والحصن، والبحر، والمغرب. انتبه للجرار وخزانات الماي والحمام، ولا تطيح بين البيوت! وفي آخر كل مرحلة حمده تنتظر أوامي.
في فريجنا يعيش محمد وحمده وأوامي وأمنا العوده. اللعبة 13 مهمّة بالدور، ولكل مهمّة وقت: أوامي يركض على السطوح رايح وراجع ويجمع السمك، وأمنا العوده تقول «خلّونا نبني البيت» والكل يشيلون الحجر، وبعد ما يكمل البيت يطلع محمد على السطح ويرفع العلم مع السلام الوطني. وبعدها حمده تحنّي إيد أمنا العوده، ومحمد يجمع الآيسكريم ويلعب كورة وأوامي الحارس، وحمده تتمرجح وتلعب بالحصى… المهمّات مقروءة بصوت «أمايه»، عشان الأطفال اللي ما يعرفون يقرون.
حمده تقضي يومها في مطبخ جدّتها «أمنا العوده»، وتتعلّم منها ثماني أكلات من أكلات أهل الأوّل. تحطّ المكوّنات الصح من الرف، وتعجن وتحرّك، وتقلي وتقلب في الوقت المناسب، وتضرب الهريس بالمضرب، وتحمّص الطحين لين يصير ذهبي. وإذا حطّت شي غلط… أمنا العوده تقول لها: «لا يا بنتي، هذا مو له».
حمده بنت عمرها 13 سنة، هادية وخجولة، تقضي يومها في بيت يدّوه. تدوّر أوامي اللي ضايع في الحوي، وتلعب على المريحانة في السدرة، وترسم الحنا على إيدها، وتصب القهوة للضيوف، وتسقي الزرع، وتتلقّف لقيمات يدّوه، وفي آخر اليوم تحل ألغازها. وإذا ضايقتها تخجل… وبعدها تزعل!
أوامي قطّ أبيض ببقع برتقالية، بعين واحدة، يعيش في حوي بيت قديم فيه سدرة ونخلة وخرس ماي. المسه فيموء، واضغط عليه مطوّلًا تمسّح عليه فيخرخر، وشيله وارمه فينزل دائمًا على رجوله… لكن إذا زعّجته يقول «هسّ!» وينتفش، وبعدها يجن ويركض في الحوي كله، ولا يهدأ إلا بالسمك.
محمد صبي إماراتي مؤدب ومرح، بكندورته وغترته «التعصيمة»، يعيش في مجلس فيه مساند مطرّزة وسجادة ودلّة وفوانيس، ومن نافذته برجيل وعلم الإمارات يرفرف. المسه ليضحك، واسحبه وهزّه وارمِه ليتشقلب… لكن إذا كثّرت عليه يقول «بسك!» ثم «لا تخليني أعصب!»، وبعدها يعصب ولا يهدأ إلا بالآيسكريم.
ملفّات أُغلقت. والحقيقة ما زالت في الخارج.
تفتح ملفّ الجريمة فتجد مشتبهين وشهودًا وأدلّة وتقريرًا جنائيًّا، وأمامك ثلاثون دقيقةً تدرسه مع فريقك. ثمّ خمس جولاتٍ من الأسئلة، فمرحلة الجاني: يشير كلّ عضوٍ ولا تُقفل الإشارة حتى يوافق الجميع، ثمّ تظهر النتيجة.
مغامرات ثقافية تفاعلية.
خراريف لعبتان من عالم واحد. مسابقات خراريف: تدخل غرفة لعب بكودها أو تنشئ غرفة وتدعو أصدقاءك، وفي دورك تقرأ السؤال وتختار الإجابة الصحيحة قبل أن ينتهي الوقت، وكل إجابة صحيحة تقرّبك من المركز الأول. وبطاقات خراريف: يسحب اللاعب كرتًا ويقرأ الخروفة بصوت عالٍ، والجميع يصوّت: حقيقية أم كذب؟
